Ekitaldiren bat antolatu nahi al duzu Museoan?
Makina Erremintaren Museoak era guztietako ekitaldi eta aurkezpenak egiteko espazio paregabea du. Espazio hau ekintzaren bat egin nahi duten erabiltzaile guztientzat dago erabilgarri. Erabiltzeko moduan dagoen tarteei eta tarifei buruzko argibideetarako, 943 74 84 56 telefono-zenbakiarekin jar zaitezke harremanetan, edo museoa@museoa.eus helbide elektronikora ere idatzi diezagukezu.
Makina erremintaren museoak erakusten ditu XX. mende hasierako aintzindariek sortutako makina esanguratsuenak mekanizazio lantegi batean.
Instalazioak eta makinak mugimenduan izanik, industri sektore honen jatorria eta eboluzioa ulertzea ahalbideratzen du. Aukera paregabea fabrikazio mekanikoan erabilitako prozesuak, deskribapen teknikoak eta mekanizazio eragiketen adibide praktikoak behatzeko.
Museoak, gainera, errementeria ere badu, Debarroan zeuden lantegien moduko baliabideekin hornituta.
Nahi izanez gero, Museotik eta errementeritik egindako bisita gidatu batekin amai dezakezu zure ekitaldia, non makinen erakustaldi tekniko-praktikoa ikusteko aukera izango duzun.
Museoa aparteko eraikin batean dago, eta industriaren hedapena bultzatzen duen eremua ez ezik, eztabaida-topagunea eta elkargunea izan nahi du. Kongresuak, bilerak, mintegiak, ekitaldi kulturalak, catering zerbitzuak, eta abar burutzeko izaera berezia duen lekua.
