Gaur jarri da martxan ‘Ekin energiaz!’ Bizilabeko tailerra Museoan

Oporretatik bueltan Elgoibarko gaztetxoak izan ditugu gaur gure artean gogotsu eta pilak kargatuta! Aste guztian  zehar goizero Museoan emango diren zientzia eta tekonologiako tailerretan izango dira , 8 pertsonako bi taldetan banatuta: 10-12 urtekoak, alde batetik, eta 13-14 urtekoak, bestetik. Ostiralean, Eibarko unibertsitatera joango dira ikertzaileen lana bertatik ezagutzeko eta energiaren inguruan egiten ari diren ikerketak eta tresneria aurrez aurre ikusteko.

Ana Picallo Pérez, UPV-EHUko Gipuzkoako Ingeniaritza Eskolako ikertzailea izango dute gidari aste osoan zehar.

Tailer hau Bizilaberen 2020-2021 ikasturteko lehen ekintza baino ez da; gogoratu ikasturtean zehar ‘Izan asmatzaile eta ikertzaile’ proiektugintza-programarako izen ematea oraindik zabalik dagoela, eta aste honetako tailerrari jarraipena eman diezaiokezula bertan. Hemen informazioa.

Animo neska eta mutilak, eta gozatu esperientziaz!