Piriniotako burdina eta siderurgiari lotutako ondare industrialari buruzko erakusketa ibiltaria

Urtarrilaren 28tik otsailaren 10era bitartean, astelehenetik ostiralera, goizeko 8:00etatik 13:00etara eta 14:30etatik 17:30etara ikusgai

Pirinioetako burdinaren ibilbidearen elkarteko baliabideak ezagutarazteko helburuarekin, burdina eta siderurgiari lotutako ondare industrialari buruzko erakusketa ibiltaria egingo dugu Elgoibarko Makina Erremintaren Museoan, bertan Andorrako Printzerria, Katalunia, Euskal Herria, Languedoc-Rosellon eta Akitaniako eskualdetako industria horretako eremu aipagarrienak erakusteko.

Proiektu honek hainbat museo eta Kultura zentro barnebiltzen ditu: kudeaketa, ikerketa eta hedapen lanak koordinatzeko; Ondareen inbentario amankomun bat eratzeko eta dibulgazio tekniko eta kulturaleko produktuak sortzeko eta publikoari hurbiltzeko helburuarekin. Sare honen lehendabiziko ekimena, kalitatezko zerbitzu eta arreta eskainiko dituen Burdinaren ibilbide bat sortu nahian, toki bakoitzeko azpiegiturak hobetzea izan da.

Burdina haritzat hartuta, “Pririnioetako Burdinaren Ibilbidea” osatzen duten 3 estatutetako, 5 lurralde ezberdinetako 10 instituzioak, Ondare Industrial eta Aurre-Industriala babesten eta hauen garrantzia azpimarratzen egiten dute lan.

Gaur egun, ibilbide honek, burdinaren historia ezagutzeko aukera ematen digu. Ibilbidea osatzen dute toki bakoitza ezagutuz, bisitariek, Industria Ondare hau hobeto ulertzeko aukera daukate: meategiak, txondorrak, burdinolak, langileen habitat-a, burdinez egindako elementu arkitektonikoak edota eskultura garaikidea…

Proiektu honek Europar Kontseiluaren Ohorezko Aipamena lortu zuen, Europako Ibilbide Kulturala izendatuz.

Helburu nagusitzat, hedatzen jarraitu eta antzeko haria eta helburu berdintsuak dituzten beste Ibilbideekin elkarlana jorratzea daukagu.

IBILBIDEA

Ibilbideak Andorrako Printzerriko, Kataluniako, Languedoc-Rosellongo, Akitaniako eta Euskal Herriko lurrak zeharkatzen ditu.

EUSKAL HERRIKO PARTAIDEAK
Burdinaren ibilbideko Euskal Herriko partaideak:

1 . Armagintzaren Museoa – Eibar
2 – Elgoibarko Makina Erremintaren Museoa- Elgoibar
3 – Mirandaolako Burdinola eta Burdinaren Museoa – Legazpi
4 – Burdinaren ibilbidea – Legazpi
5 – Xillida lantoki – Legazpi
6 – Paisaia Kulturala – Zerain
7 – Mehatze Barrutia – Mutiloa
8 – Ormaiztegiko Biaduktua- Ormaiztegi
9 – Igartza – Besain
10 – Burdinbidearen Euskal Museoa- Azpeitia
11 – Agorregiko Burdinola – Aia
12 – Fandería Errolta- Errenteria
13 – Arditurriko Meatze Gunea – Oiartzun
14 – Irugutzeta labeak- Irun

Elgoibarren, bisita gidaturako bi saio egingo dira, euskaraz eta gaztelaniaz, urtarrilaren 31n biak. Euskarazkoa goizez izango da, 10:30ean, eta erdarazkoa, arratsaldez, 16:00etan. Ordubeteko iraupena izango dute bisita gidatuek, eta interesatuek izena eman behar dute aurrez, gehienez 20 lagunentzako lekua izango delako (Doan izango dira bisita-saioak). Harremanetarako: 943 748 456 / museoa@museoa.eus.