Mekanizazio-tailerra

Museoak 420 metro karratuko azalera erabilgarria dauka eta hiru nabetan banatuta dago. Nabe nagusian, XIX. mende amaierako mekanizazio-tailer baten erreprodukzioa dago. Eskuinaldeko nabean, Erdi Aroko gela dago eta ezkerreko nabean Patxi Aldabaldetrecu gela.

Nabe nagusiak edo mekanizazio-tailerrak, bi isuriko estalkia dauka, egurrezko bi zinbria deigarrirekin eutsita; horietatik  euskarriak eta ardatz eragileak zintzilikatzen dira, euren polea eta uhalekin. Transmisio-sistema hori motor elektriko baten bitartez jartzen da martxan. Aipatu motorra, uhal baten bidez, ardatz zentralera lotuta dago, zeina transmisio-sistema beraren bidez (poleak eta uhalak), bigarren mailako bi ardatzi lotuta dagoen.  Transmisio-sistema horren bitartez, gure aitzindariek egindako makina-erreminten modelo adierazgarrienak funtzionamenduan ikus ditzakegu, esaterako, tornuak, zulagailuak, fresatzaileak, eskuilak, zerrak, etab. Transmisio-sistema honi esker, fabrikazio-prozesuak, deskribapen teknikoak eta txirbil-harroketaren bidezko mekanizazioaren adibide praktikoak ikusteko aukera paregabea dugu.

Oroimen historikoa berreskuratuko dugu argazki erakusketa iraunkor baten bidez, ekonomiaren, gizartearen, kulturaren eta abarren garapenean lagundu duten pertsonen lana ezagutarazteko.